Gnr. 35, bnr. 5, 58 mfl. – Straume

I samsvar med plan- og bygningslova (pbl) § 12-14 andre ledd, blir det varsla om endring etter forenkla prosess av Reguleringsplan for bustader på Straume sør, gbnr. 35/5, 58 mfl. – Straume. Kommunen sitt saksnummer er 24/23261, og plan-ID er 124620080011. HOLON Arkitektur utarbeider planen på vegne av forslagsstillar Straume MesterBygg.

Planområdet og formålet med endringa

Planområdet ligg på søre Straume, om lag 700 meter sør for Sartor Storsenter og er regulert til konsentrerte bustader. Formålet med endringa er å endre frå konsentrerte bustader i to ulike formål til eitt samla formål som opnar for ei samanhengande blokk. Vedlagt kart viser planområdet for endringa. Endringa av reguleringsplanen er avgrensa til det mest naudsynte for å sikre gjennomføring av planen. Endringa opnar for to vertikalnivå: Vertikalnivå 1 er for garasjeanlegg og vertikalnivå 2 er for uteareal og bygg.

Planendringa

Planendringa er vurdert til å ikkje utløyse krav til konsekvensutgreiing.

Bustadformåla blir samla i eitt formål i staden for to formål slik det ligg i gjeldande plan. Leikeplassen blir flytta frå å ligge mellom dei to bustadformåla til den solrike og sørlege delen av planområdet. Endringa aukar talet på bustadar frå 17 til 20, men reduserer fotavtrykket til bygget. Regulerte byggehøgder er endra for å tilpasse bygget til omgjevnadane. Det blir tre ulike byggehøgder innanfor byggegrensa, i gjeldande plan er det berre ei byggehøgde innanfor dei same areala.

Den nordre avkøyrselen i gjeldande plankart er fjerna og garasjeanlegget blir lagt i eitt enkelt felt under bygget og uteareala. Tilkomst til anlegget blir berre i sør. Når det gjeld krav til parkering legg endringa opp til at det blir ein liten reduksjon med ein parkeringsplass færre. Reguleringsendringa er videre omtalt i planskildringa til framlegget.

Informasjon og merknadar

Om du har kommentarar eller merknadar til endringane i planen, kan du sende dei til:

post@holon.no

eller HOLON Arkitektur AS, Tollbodallmenningen 2A, 5004 Bergen.

Vi vil sende alle merknadar vidare til Øygarden kommune. Etter at merknadsfristen har gått ut blir endringsframlegget sendt til Øygarden kommune for behandling.

Ver grei og merk alle innspel med vår referanse «24030» og skriv til oss innan 6. august 2025.

Lurer du på noko, kan du ta kontakt med Odin Stafsnes, enten på odin@holon.no, eller telefon 944 53 164.